Monday, January 11, 2016

കൃഷ്ണദാസി


എന്റെ ചിലങ്കകൾ എന്തേ താളം താളം തെറ്റിച്ചു 
കിതയ്ക്കുന്നു ..!!
ചുവടുകൾ പിഴച്ചുവോ..?

പൊട്ടിച്ചിരിക്കുന്ന കൈവളകളിന്നു 
മൌനമായി കേഴുന്നു..
ഹേ ..നാഥാ ..എന്നോടിന്നു പരിഭവമോ..!?

ഞാൻ നിന്റെ പാതിയല്ലേ...
എന്റെ ശ്വാസം പോലും നിന്നിലല്ലേ..
പിന്നെന്തേ നിനക്കിന്നു മൌനം..?

എന്നിലുലയുന്ന പട്ടു ചേലയും
എന്റെ നിറുകിലെ സിന്ദൂരവും..
എല്ലാറ്റിലും നിന്റെ നാമമല്ലേ...!

പിന്നെയുമെന്നോടെന്തിനു നീ...
ഞാൻ നിന്റെ ദാസിയല്ലേ...
നിന്റെ നാമത്തിലാടുന്ന നിന്റെ ദാസി..! 





No comments:

Post a Comment